Көрмеде кескіндеме техникада орындалған 15-тен астам жұмысты көруге болады, деп хабарлайды @Pavlodarnews.kz.

Қалалық білім беру бөлімінің мәліметінше, балалар көркемсурет мектебінің оқушылары павлодарлық белгілі суретші Ғалым Қаржасовтың 70 жылдығына орай еске алуға арналған көркемсурет көрмесіне барды.

Мектептің мұрағат қорынан алынған әр жылдардағы жас суретшілердің жұмыстарынан көрме ашылды. Экспозицияның бірегейлігі - онда ұсынылған оқушылардың жұмыс стилі әйгілі суретшінің қолжазбасына ұқсастығында. Жұмыстарда ұлттық нақыштағы сәндік композициялар, туған жерге,  халыққа деген сүйіспеншілікті бейнелейтін сюжеттер бейнеленген. 

Көрмеде кенепте акрилмен «кескіндеме» техникасында орындалған 15-тен астам жұмыс орналасқан. Мысалы, 14 жастағы Алина Карабашева «Атқан таң», Милана Нұралиева «Туған жердің бояулары» өздерінің жұмыстарында табиғаттың сұлулығын ою-өрнектер арқылы жеткізгісі келген. 

– Ғалым Насырұлы әрдайым балалар шығармашылығына тәнті болды. Қазылар алқасы құрамында мектептің түрлі іс-шараларына қатысуға уақыт тауып, шеберлік сағаттар өткізді. Өзінің көркемсурет шеберханасына экскурсиялар ұйымдастырды, – деп еске алады мектеп басшысы Ляйля Мағзамова.

Көрме қаңтар айының соңына дейін ашық болады.