Жәрмеңкеде көкөністер, жұмыртқа, бал, сүт және  басқа да өнімдер ұсынылады, деп хабарлайды  @Рavlodarnews.kz.

Облыстық ауыл шаруашылығы басқармасының мәліметінше, жәрмеңке 1

шілде күні Торговая көшесі, 2А құрылысы (Космонавтар және Торговая көшелерінің қиылысы) мекенжайында өтеді. 

Жәрмеңкеге Аққулы, Павлодар, Тереңкөл аудандары мен Павлодар қаласының тауар өндірушілері қатысады. 

– Мұндай жәрмеңкелер сенбі күндері Екібастұз қаласының «Народный» және Ақсу қаласының «Ауыл базары», сондай-ақ облыстың 10 ауданында ұйымдастырылады, – деп жазылған хабарламада. 

Фермерлер нарығының жұмыс кестесі сейсенбіден жексенбіге дейін сағат  9.00-ден 20.00-ге дейін.

Естеріңізге сала кетейік, фермерлер нарығында күнделікті негізде етті нарықтық бағадан 10-15% төмен бағамен сату жалғасуда.