Синоптиктердің болжамынша, өңірдің бірқатар ауданында жаңбыр жауып, найзағай ойнап, бұршақ түсіп, дауыл тұрады, деп хабарлайды @Pavlodarnews.kz тілшісі.

Павлодар қаласында түнде ауа температурасы +15...+17 градус болады. Бұлтты ауа райы сақталып, жаңбыр жауып, найзағай ойнайды. Кей жерлерде бұршақ жауып, дауыл тұруы мүмкін. Күндіз ауа температурасы +26...+28 градусқа дейін көтеріледі. Жаңбыр, найзағай, бұршақ және дауыл күтіледі.

Павлодар облысында түнде ауа температурасы +12...+17 градус болады. Облыстың батысында, солтүстігінде және оңтүстігінде жаңбыр жауып, найзағай ойнайды. Кей жерлерде қатты жаңбыр, бұршақ және дауыл болжанып отыр. Күндіз өңірде ауа температурасы +24...+29 градусқа дейін жылынады. Алайда облыстың батысында, солтүстігінде және оңтүстігінде жаңбыр, найзағай, қатты жаңбыр, бұршақ және дауылды жел сақталады.

Мамандар тұрғындарға ауа райының қолайсыздығын ескеріп, қауіпсіздік шараларын сақтауға кеңес береді.