Аққулы ауданындағы орманнан өрт шықты
Тілсіз жау Көкжал орман шаруашылығында орын алды, деп хабарлайды @Pavlodarnews.kz тілшісі.
Бұл туралы облыстық төтенше жағдайлар департаментінің баспасөз қызметі мәлімдеді.
- 12 шілде күні сағат 14:37-де 101 пультіне Аққулы ауданы Көкжал орман шаруашылығында, Бесқарағай филиалы 10-кварталында шыққан өрт туралы хабарлама келіп түсті, - делінген хабарламада.
Жергілікті жерде орман шаруашылығының жеке құрамынан 10 адам мен 3 бірлік техника жұмыс істеуде.
