Жоба бастамашысы – облыстық мәслихат депутаты Александр Толмачев, деп хабарлайды  @Pavlodarnews.kz тілшісі.

«AQSU MALL» сауда-ойын-сауық орталығында оқу залы үлгісінде «Кітап-AMANAT» орталығының салтанатты ашылуы өтті. Іс-шараның құрметті қонағы ретінде «AMANAT» партиясы Орталық аппаратының хатшысы Шолпан Каринова қатысты.

Ашылу салтанатына облыстық мәслихат төрағасы және «AMANAT» партиясы облыстық филиалының төрағасы Илья Теренченко, «AMANAT» партиясы Павлодар облыстық филиалы атқарушы хатшысының м.а. Айнұр Мұхамедьярова, облыстық мәслихат депутаттары, сондай-ақ Ақсу қаласы ардагерлер кеңесінің төрағасы Залмұхан Арынов қатысты.

«Кітап-AMANAT» жобасы оқуды насихаттауға, отандық авторларды қолдауға және жастар арасында әдебиетке деген қызығушылықты арттыруға бағытталған. Орталықтың маңызды ерекшелігі – оның қаланың ең көп келетін жерлерінің бірінде орналасуы. Бұл кітаптар мен оқу мәдениетіне назар аударуды қамтамасыз етеді және оларды қала тұрғындарының күнделікті өмірінің ажырамас бөлігіне айналдырады.

–  Ақсу қаласында ашылған жобаңыз ұзақ мерзімді болсын. Мен, ардагерлер мен қаланың қарттарының өкілі ретінде, кітап оқуды қолдауды және дамытуды жалғастырамыз. Балаларымыз бен немерелерімізді осы орталыққа апарып оқытамыз, – деді іс-шарада сөз сөйлеген Залмұхан Арынов.

Шолпан Каринова «Кітап-AMANAT» орталығының ашылуы – тек оқуды дамытудағы тағы бір қадам ғана емес, әртүрлі жұмыс бағыттарын біріктірудің жарқын мысалы екенін атап өтті. 

–  Жастарды қолдау, ағартушылық, ұлттық мұраны сақтау өте маңызды. Павлодар облысы әлеуметтік бастамаларды жүзеге асыруда жоғары деңгейін көрсетеді, және бұл жоба – тағы бір дәлел. «AMANAT» партиясы халыққа жақын болуға, қоғаммен тығыз ынтымақтастықта жұмыс істеуге ұмтылады және  орталық әдебиетті бағалайтын және өзін-өзі жетілдіруге ұмтылатын барлық адамдар  үшін маңызды орынға айналады, – дейді Шолпан Каринова.

 Айта кетерлігі, орталықтың құрылуына жастар үлкен үлес қосты – кеңістіктің дизайнын Торайғыров университетінің студенті әзірледі. Бұл факт жастардың қоғамдық бастамаларды жүзеге асыруға және өңірдің мәдени ортасын дамытуға қатысуының маңыздылығын көрсетеді.