Ақсуда вандалдар мұз қалашығын бұзып кетті
Қала әкімдігі саябақ аумағында бақылауды күшейту туралы шешім қабылдады, деп хабарлайды @Pavlodarnews.kz тілшісі.
Ақсу қаласы әкімдігінің хабарлауынша, жаңа жылдық мерекелер қарсаңында қалалық саябақта мұз қалашығын салу жұмыстары басталған. Алайда кейбір балалардың теріс әрекеттерінің салдарынан фигуралар бұзылып қалған.
– Бұл – вандализмнің тағы бір әрекеті. Қала әкімдігі мен коммуналдық қызметтер қолайлы жағдай жасау, қаламыздың өркендеуі мен дамуы үшін күнделікті жұмыстар жүргізуде. Десе де, арамызда еңбекті бағаламайтын адамдар болғаны өте өкінішті, – дейді әкімдікте.
Осыған байланысты саябақта полиция патрулі орнатылды.
Әкімдікте тұрғындарды қалалық мүлік объектілеріне ұқыпты қарауды сұрайды және вандализм әрекеті қайталанған жағдайда әкімшілік сипаттағы шаралар қабылданатынын ескертеді.
Посмотреть эту публикацию в Instagram
