Оның осы жердегі уақытша тіркелу мерзімі өтіп кеткен болатын, деп хабарлайды @Pavlodarnews.kz.

Аққулы аудандық соты ҚР көші-қоны заңнамасын бұзғаны үшін жауапкершілікке тартылған әйелге қатысты әкімшілік құқық бұзушылық туралы істі қарады.

Сот 25 наурызда елге келген Қытай Халық Республикасының азаматы Ш.-ның уақытша тіркелгенін анықтады. Алайда, белгіленген тіркеу мерзімі өткеннен кейін әйел Қазақстан Республикасының аумағынан шықпай, көші-қон заңнамасының талаптарын бұзған. Рұқсат етілген болу мерзімі он тәуліктен асып кетті.

Сот отырысында әйел өз кінәсін толық мойындап, хаттамада көрсетілген мән-жайларды растады, әкімшілік айыппұл салуды сұрады.

Сот істі қарап, оны ӘҚБтК-нің 517-бабының 4-бөлігінде көзделген әкімшілік құқық бұзушылықты жасағаны үшін кінәлі деп таныды, оған мемлекет пайдасына 25 АЕК мөлшерінде айыппұл тағайындады. 

Сот ӘҚБтК 829-11 б. 2-б. негізінде, жауаптылықты жеңілдететін мән-жайларды ескере отырып, әкімшілік айыппұлдың сомасын 68810 теңгеге дейін қысқартты.

Қаулы заңды күшіне енген жоқ.