Баянауыл ауданында дала өрті 60 гектар аумақта оқшауланды

Баянауыл ауданында дала өрті 60 гектар аумақта оқшауланды
Константин Шелковтың иллюстрациялық фотосуреті

Жасыбай орманшылығында құрғақ шөп өртеніп, өртті сөндіруге бағытталған шаралар дереу қолға алынды, деп хабарлайды @Pavlodarnews.kz тілшісі. 

Облыстық Төтенше жағдайлар департаменті баспасөз қызметінің мәліметінше, 4 сәуір күні 112 пультіне хабар түскен соң, өртті ауыздықтау үшін Төтенше жағдайлар департаменті, орман шаруашылығы қызметкерлері, «Қазавиаорманқорғау» және Жасыбай орманшылығының күштері мен техникасы жұмылдырылды.

Сағат 20:12-де қабылданған шаралардың нәтижесінде өрт алдын ала 60 гектар алаңда оқшауланды. Өртті сөндіру жұмыстары жалғасуда.