Бақылау-өткізу бекетінде төлем жүргізгеннен кейін тиісті чек талап ету құқықтарыңыз бар, деп хабарлайды  @Pavlodarnews.kz тілшісі.

Биыл 7 ақпаннан бастап Баянауыл мемлекеттік ұлттық табиғи паркі аумағына бақылау-өткізу бекеттерінде келушілерден күніне келесідей төлем алынады:

1) жаяу жүргіншіден  – 590 тенге;

2) жеңіл көлік кірген үшін  – 1573 тенге; 

3) орын саны 16-ға дейінгі шағын автобустар мен жүк көліктер кірген үшін – 7864 тенге; 

4) орын саны 32-ге дейінгі автобустар кірген үшін – 11796 тенге;

5) орын саны 32-ден жоғары автобустар кірген үшін  – 19660 тенге.

Көрсетілген тарифтер мөлшері қолданыстағы заңнама талаптарына сәйкес ерекше корғалатын табиғи аумақтар саласындағы уәкілетті органмен бекітілген. Банк карталарын қабылдайтын терминалдар, QR код немесе қолма-қол төлеуге болады.

Ұлттық парк аумағында жеке тұлғалардың ерекше қорғалатын табиғи аумақтарда болу ережесін қатаң сақтап, табиғат қорғау заңнамаларын бұзбауға шақырады.