Екібастұзда жол шетінде тұрған тиегіш өртенді
Өрт сөндірушілер жарылыстың алдын алды, деп хабарлайды @Pavlodarnews.kz.
Облыстық ТЖД баспасөз қызметінің мәліметінше, 28 қараша күні сағат 12:38-де Қонаев көшесінде тиегіштің жанғаны туралы хабарлама түскен.
– Өрт сөндірушілер келгеннен кейін көліктегі резеңке-техникалық құрылымдардың 1,5 шаршы метр алаңында жанғанын анықтады. Өрт жедел түрде жойылды. Жарылыс пен өрттің таралуына жол берілмеді, – деді департаментте.
Өрт сөндіруге 2-МӨСБ-нің алты қызметкері мен бір техника жұмылдырылды.
