Жергілікті халық тікелей дауыс беріп, өз таңдауын жасады, деп хабарлайды @Pavlodarnews.kz.

Чернорецк ауылдық округінің әкімі болып Ержан Тәкібаев тағайындалды. Ол сайлау қорытындысы бойынша 77,1 пайыз дауыс жинады. 

– Ауылдық округ тұрғындары сайлау учаскелеріне келіп қатысқандары үшін ризашылығымды білдіремін, – деп жазды аудан әкімі Николай Дычко өзінің жеке парақшасында. 

Ержан Тәкібаев мемлекеттік қызметтегі еңбек өтілі 14 жылдан асады. Бұған дейін Чернорецк ауылдық округі әкімі аппаратының бас маманы қызметін атқарған.

Сондай-ақ, Григорьевка ауылдық округінде Талғат Бланкин сайланды. Ол  78,3 пайыз дауыс жинады. Мемлекеттік қызметтегі еңбек өтілі – 7 жыл. Бұған дейін Тереңкөл ауданы  Октябрь ауылдық округі әкімі аппаратының бас маманы қызметін атқарған.

Аудан әкімі жаңадан сайланған әкімді жергілікті өзін-өзі басқару мүшелеріне, ауылдық округтің активіне таныстырды.