2024 жылы қаңтар айында елімізде темір жол көлігімен 31,8 млн тонна жүк пен багаж тасымалданды, деп хабарлайды  @Pavlodarnews.kz тілшісі.

Еnergyprom.kz сарапшыларының мәліметінше, бұл – өткен жылмен салыстырғанда 5,5%-ға аз. Жүк айналымы 25,3 миллиард ткм құрады, 2023 жылғы қаңтарға қарағанда 6,5%-ға аз.

– Ең жоғары көрсеткіштер Павлодар, Ақтөбе және Қарағанды облыстарында, ең төмен көрсеткіштер Алматы, Батыс Қазақстан және Түркістан облыстарында байқалды, – де жазылған хабарламада. 

Биыл қаңтар айының қорытындысы бойынша теміржол көлігі қызметтерінің бағасы бір жылда 10,7%-ға өсті. Оның ішінде қала маңындағы пойызда жол жүру 11,5%-ға, республикаішілік қатынастағы пойыздың купе вагонында жол жүру 8,8%-ға, республикаішілік қатынастағы пойыздың плацкарт вагонында жол жүру 11,8%-ға қымбаттады.