Қолайсыз ауа райына байланысты тұрғындардан сақ болуды сұрайды, деп хабарлайды @Pavlodarnews.kz тілшісі.

Облыстық  «Қазгидромет» филиалының мәліметінше, 22 қарашада күндіз солтүстік пен батысында көктайғақ болады деп болжануда. Оңтүстік-шығыстан соғатын жел облыстың солтүстігінде, батысында, шығысында секундына 15-20 метрге, ал  облыстың солтүстігінде екпіні секундына 23 метрге дейін жетеді.  

Көктайғақ болған кезде жол-көлік оқиғаларының, сондай-ақ құлаудан түрлі жарақаттар алу ықтималдығы артады.Жолдарда жазатайым оқиғаларды болдырмау үшін жылдамдық пен қашықтықты сақтау қажет.

Сондай-ақ, төтенше жағдайлардың алдын алу бөлімі жүргізушілерді жолда абай болуды, көлік жылдамдығын асырмауды сұрайды.