Олар жолдың жүріс бөлігі реттелмейтін жаяу жүргіншілер өткелі арқылы өткісі келген, деп хабарлайды @Pavlodarnews.kz 

Облыстық полиция департаментінің хабарлауынша, Омбы-Майқапшағай автожолында «Hyundai Accent» маркалы автокөлік жүргізушісі әйел адам мен кәмелетке толмаған баланы қағып кетті. 

– Жол-көлік оқиғасы салдарынан жарақат алған әйел мен бала ауруханаға жатқызылды, – дейді департаментте.

Жедел жәрдем көлігі оқиға орнына 12 минутта жетті. 

– Шақырту сағат 09:38-де түсті. 28 жастағы әйел №1 қалалық ауруханаға, ал 10 жасар қызды облыстық балалар ауруханасына жеткізілді,  – деді облыстық жедел жәрдем станциясының баспасөз қызметінде. 

Оқиға орнында полиция қызмектерлері жұмыс жасап жатыр.

Фото: Константин Шелков