Бүгінде қазақ жазушыларының көркем шығармалары танымалдылыққа ие, деп хабарлайды @Pavlodarnews.kz тілшісі.

Жақында Торайғыров атындағы облыстық кітапханада Ілияс Есенберлиннің шығармашылығына арналған әдеби сағат ұйымдастырылды. Іс-шараға университеттің студенттері мен профессоры Серік Елікбай шақырылды. Балаларға «Көшпенділер» тарихи романы туралы бейнеролик көрсетілді. 

– Серік Елікбай да шығарма туралы көптеген қызықты әңгімелер айтты. Ол оқырмандарды өз халқы үшін ұлттық мақтаныш сезімін оятуға, патриотизмді насихаттауға, ата-  бабалар мен бүкіл адамзаттың тағдырын бейнелейтін тарихи шығармаларды көбірек оқуға шақырды, – деді кітапханашылар. 

Студенттер оқыған тарихи шығармалары туралы өз әсерлерімен бөлісті.