Өңірлік жастар бастамаларын дамыту орталығында 15 түрлі клуб жұмыс істейді, деп хабарлайды @Pavlodarnews.kz.

ЖБДО директорының міндетін атқарушы Ризат Рахымжановтың пікірінше, жастар өздері таңдаған салада дамып қана қоймай, табыс таба алады. Әзірге бұл сектор дамымаған.

– Мемлекет басшысы Қасым-Жомарт Тоқаев өз Жолдауында медиа, музыка, кино саласын қамтитын креативті индустрияны, креативті экономиканы дамытудың маңыздылығын атап өтті, – деді ол. – Павлодар жастарының арасында әлемдік аренада танылғандар аз емес. 

Қазір креативті индустрия орталықтары Астана, Алматы және Шымкент қалаларында шоғырланған. Өңірлер, оның ішінде Павлодар облысы, тиісті назардан тыс қалады. Сондықтан бұл жағдайды түзету керек. 

Әр облыс орталығында креативті индустрия орталықтары пайда болуы тиіс. Олардың қатысушыларына өз өнімдерін коммерцияландыруға көмектеседі.

Ризат Рахымжановтың пікірінше, креативті жастар бизнесті қолдау бойынша барлық мемлекеттік бағдарламаларға қатысуы керек. Сонымен қатар, креативті жастар үшін қолдау шараларының жеке пакетін әзірлеу жоспарлануда.

– Бұл біздің жастарымыз өзі таңдаған салада дамып қана қоймай, одан да көп ақша таба алатынын білдіреді, – деген сенімде ЖДО басшысының м.а. –Жастар орталығы ретінде Павлодар жастарына барынша қолдау көрсетеміз. Олар үшін 15 түрлі клуб жұмыс істейді және әрқайсысының өз кестесі бар.

Павлодарлық жастарға өз таланаттарын дамыту үшін заманауи TikTok-бөлме, дыбыс жазу студиясы, музыкалық жабдық қарастырылған. Ол жерде 14 жастан 35 жасқа дейінгі жастар айналысады.