Павлодарда ұрылар иесі болмаған саяжайдан көкөністерді ұрлап кетті
Жәбір көрген адам полицияға жүгінді, деп хабарлайды @Pavlodarnews.kz.
Саяжай маусымы қызу жүріп жатыр. Дәл осы кезеңде біреудің мүлкін ұрлау жағдайлары жиілейді.
– Негізінен, бұл фактілер иелерінің өз мүлкіне қатысты немқұрайлылығына байланысты орын алады. Мысалы, полицияға қала тұрғыны хабарласып, белгісіз адамдар саяжайда иелері жоқ екенін пайдаланып, темір крандарды алып тастап, көкөністерді ұрлап, қақпаларды сындырғанын айтты. Қазіргі уақытта полиция осы қылмысқа қатысы бар адамдарды анықтауға бағытталған жедел-іздестіру іс-шараларын жүргізуде, – деп хабарлайды облыстық полиция департаментінің баспасөз қызметінде.
Полицейлер саяжай учаскелерінің иелеріне өз мүлкін сақтау жөнінде шаралар қабылдау қажеттігін тағы да еске салады.
– Саяжайда құнды заттарды қалдырмаңыз. Бөгде адамдардың үйге кіруін мүмкіндігінше қиындатыңыз. Мықты есіктерді орнатыңыз, оларды күрделі құлыптармен жабдықтаңыз, терезелерге торлар қойыңыз. Саяжайларда тұрақты тұратын көршілерден үйіңізді бақылап, мүлкіңізде болған оқиғалар туралы дереу хабарлауды сұраңыз, – деді департаментте.
Егер сіз шақырылмаған қонақпен бетпе-бет кездессеңіз, қарама-қайшылыққа түспеуге тырысыңыз, өйткені өміріңіз бен денсаулығыңызға зиян келуі мүмкін. Ұрлық орын алса, онда «102» телефоны немесе «Police 102» мобильді қосымшасы арқылы дереу хабарлау және жедел-тергеу тобының келуін күту керек
