Бұл өзгерістер тек бір күнге жалғасады, деп хабарлайды @Pavlodarnews.kz

Қалалық ТҮКШ ЖК және АЖ бөлімінің мәліметінше, 15 маусымда 20:00-ге дейін жолдарды жөндеу жұмыстарына байланысты Естай көшесінен Павлов көшесіне дейін Малайсары батыр көшесі бойынша автокөлік құралдары үшін қозғалыс жабылады. Оның салдарынан № 1, 40, 126 автобус маршруттары осы учаскені Қамзин көшесі – Аймауытов көшесі бойынша екі бағытта да айналып өтетін болады.

Сондай-ақ, сумен жабдықтау желілерін реконструкциялау жөніндегі жұмыстарына байланысты кешкі сағат 22:00-ге дейін Ак. Сәтбаев –Қайырбаев көшелерінің қиылысында автокөлік құралдарының қозғалысы шектелетін болады.

Сонлықтан, № 18, 27 автобус маршруттары Естай көшесі – Бектұров – Лермонтов – Ак. Сәтбаев көшелері бойынша қозғалысты жүзеге асыратын болады.

№ 1, 1э автобус маршруттары сол сияқты, Ак. Сәтбаев көшесінен оңтүстіктен солтүстікке қарай қозғалыс кезінде Естай көшесіне оңға бұрылып, одан әрі Ак. Бектұров көшесіне солға бұрылады, содан кейін Лермонтов көшесіне солға, Ак. Бектұров оңға қарай шығады. Сол сияқты кері бағытта.

№ 5, 10, 21, 22, 31 автобус маршруттары осы учаскені Толстой көшесі –Астана көшесі – Лермонтов көшесі – Ак.Сәтбаев көшесі бойынша айналып өтетін болады.