Бұл Павлодар мен Семей командалары арасындағы соңғы тоғыз ішіндегі алғашқы кездесуі, деп хабарлайды @Pavlodarnews.kz тілшісі.

Чемпионаттағы үзілісті пайдаланған «Ақсу» мен Семейдің «Елім-айы» өзара жолдастық кездесу өткізді. Павлодарлықтар Премьер-лигада, ал семейліктер Бірінші лигада ойнап жатқандығына қарамастан, матч тартысты өтті.

Павлодардың Орталық стадионында өткен кездесу алаң қожайындарының жеңісімен аяқталды. Жалғыз голды Маилсон Лима соқты. 

Павлодардың «Ертісі» мен Семейдің «Елім-айы» арасындағы кездесулер үнемі зор назар аударған еді. Қос команда арасындағы бәсеке тоқсаныншы жылдары қыза түсті. Сол кезде бұл матчтар «Ертіс бойы дербиі» деген атқа ие болды.

Ертіс бойындағы екі қала командалары арасындағы соңғы ресми кездесу 2014 жылы 14 қыркүйекте өтті. Онда «Ертіс» «Спартакты» қабылдап, 3:2  есебімен жеңіске жеткен болатын. 

Қазіргі кезде «Ақсу» Премьер-лига турнир кестесінің соңғы орнында болса, «Елім-ай» Бірінші лига тізімін бастап келеді.

Фото: «Ақсу» ФК