Кәсіпкер өзіне тиесілі емес жер учаскесіне қоғамдық тамақтану нүктесін салып, заңды қиындыққа тап болды, деп хабарлайды @Pavlodarnews.kz тілшісі.

Павлодарда Майра көшесі, 43 мекенжайында орналасқан «Zebra Coffee» павильоны сүрілді. Бұл шешімді әкімшілік құқық бұзушылықтар жөніндегі мамандандырылған сот ҚР ӘҚБтК-нің 319-бабы – «Заңсыз құрылыс» бойынша қабылдады.

«Zebra Coffee» павильоны өткен жылдың қараша айында орнатылған. Сотта кәсіпкер учаскені жалға алғанын, бірақ кейіннен оның шын мәнінде басқа адамға тиесілі екенін білгенін түсіндірді. Жерді жалға берген тұлға құжаттардың түпнұсқасын көрсетпеген және кейінірек беруге уәде еткен. Алайда, ол учаскені рәсімдеуге мүлде рұқсат ала алмағаны анықталды.

Сот кәсіпкерге 77 532 теңге көлемінде айыппұл салып, заңсыз құрылысты бұзуды міндеттеді. Сот шешімін облыстық мемлекеттік сәулет-құрылыс бақылау басқармасы орындады.

Посмотреть эту публикацию в Instagram

Публикация от GASK.PVL (@gask.pvl)