Оқушылардың «тәртіпсіз ойындарының» салдары облыстық кәмелетке толмағандардың істері жөніндегі мамандандырылған ауданаралық сотында қаралды, деп хабарлайды @Pavlodarnews.kz.

Мектептің басшысы әкімшілік құқық бұзушылық жасағаны үшін жауапқа тартылды. 

25 қыркүйекте 7, 9, 10 жастағы үш бала бір оқушының пәтерінде жиналып, уақытты бірге өткізген. Төртінші сынып оқушысы екінші сынып оқушысын басқа балаға сексуалдық сипаттағы әрекеттер жасауға мәжбүрлеген. Болған жағдайды телефонға түсірген. Жәбірленушінің анасы бұл оқиға туралы басқа балалардан білген. Оның баласын «зорлаушы» деп атап жүрген. Анасы бұл сұмдық жағдай туралы сынып жетекшіге айтқан. Мектепте жәбірленушінің анасына бейнежазбаны өшіріп, ешкімге айтпауды және баласын басқа мектепке ауыстыруды ұсынған. Күзгі демалыстан кейін анасы өзіне айтылған қорқытулар туралы қалалық білім беру бөліміне жеткізген. 

Оқушылар арасында болған жағдай туралы мектеп директоры полицияға хабарлау керек болған, алайда олай жасамаған. Сотта мектеп басшысы амбулаторлық емделуде жатқандықтан, осы жағдай туралы хабары болмағанын жеткізген. Бірақ мұндай мәлімдемені ата-аналар мен мұғалімдер жоққа шығарды. Сотта мектеп директоры ӘҚБтК-нің 127-1-бабы  «Кәмелетке толмағандар жасаған немесе кәмелетке толмағандарға қатысты құқыққа қарсы іс-әрекеттер туралы хабарламау» бойынша кінәлі деп танылып, 34 500 теңгеге айыппұл салынды. 

Сонымен қатар, сот мектеп директорын әкімшілік жауапкершіліктен алшақтатуға тырысқан екі куәгерден жалған куәгерлік бергені үшін жеке қаулы шығарды.

Еске сала кетейік, қызметтік тергеу және комиссия отырысының қорытындысы бойынша директор, тәрбие ісі жөніндегі орынбасары, әлеуметтік педагог, психолог және барлық үш оқушының сынып жетекшілері әкімшілік жауапкершілікке тартылды. Ата-аналарға қатысты да іс қозғалды. Ұлдардың ата-аналарының бір-біріне шағымы жоқ.