Симфониялық оркестр қалаға махаббатын алғашқы концертте көрсетеді, деп хабарлайды @Pavlodarnews.kz.

12 қазан күні сағат 17:00-де Иса Байзақов атындағы Павлодар облыстық филармониясы өзінің 84-маусымының ашылуына арналған симфониялық оркестрдің алғашқы үлкен концертін ұсынады.

Музыка өнерінің шедеврлерін сүйетін көрермендерді ұмытылмас кеш пен әлемдік классиканың жауһар туындылары күтуде.

Кеш бағдарламасында – Вольфганг Амадей Моцарттың атақты «Дон Жуан» операсына арналған увертюрасы мен терең әрі әсерлі №40 симфониясы, Жорж Бизенің «Арлезианка» сюитасы, Михаил Глинканың испан рухына толы «Мадридтегі түн» увертюрасы шырқалады. Ал кешті Руперто Чапидің отты әрі мерекелік сарсуэласы – «Гренадёрлердің барабаны» увертюрасы қорытындылайды.

Симфониялық оркестрге талантты маэстро Диас Усенов дирижёрлік етеді. Оның басшылығымен әрбір шығарма шынайы эмоцияға, әсемдікке және қуатқа толы болмақ.

Бұл концерт – өнерге, қала мен көрерменге деген ерекше ілтипат пен маусымның жаңа тынысы. Билеттер филармония кассасында және Ticketon.kz сайтында қолжетімді.

Концерт басталғаннан кейін 10 минут өткен соң залдың есігі жабылады. Тағам мен сусын алып кіруге тыйым салынады.

Кеш барысында филармонияның орталық холлында мекеменің тарихымен танысып, сирек музыкалық аспаптар мен архивтік материалдарды тамашалап, есте қалатын сәттерді естелікке фотоға түсіруге болады.