Дәстүрлер бойынша сахналық көріністер көрсетіледі, деп хабарлайды @Pavlodarnews.kz.

18 наурызда «Ertis» музейінде сағат 11:00-де «Наурыз ел бойынша қадам басуда» атты тақырыптық лекция өтеді.

–   Наурыз – табиғат пен адамның жаңаруының символы. Бұл көне заманнан бері Қазақстан мен Орталық Азия елдерінде аталып өтетін ұлы мейрам. Лекция барысында Наурыздың қазақ халқы үшін және Орталық Азия елдері үшін қаншалықты маңызды екені сөз болады. Қатысушылар бұл мейрамның тарихы мен мәдени аспектілерін, сондай-ақ оның еліміздің түрлі аймақтарында қалай атап өтілетінін танып, біле алады, – дейді ұйымдастырушылар.

Музей қызметкерлері Наурыздың мәні мен мағынасына тереңірек үңілуге көмектесетін тарихи деректермен бөліседі. Сонымен қатар бұл іс-шарада қазақ халқының дәстүрлерінен сахналық көріністер көрсетіледі

Тұрғындар Наурыздың тарихы және оның көне дәстүрлермен байланысы, Наурыз – жаңғыру мен жаңарудың символы, Наурызды Қазақстан мен Орталық Азия елдерінде тойлаудың ерекшеліктері жайлы ой бөліседі.