Есірткі сатқаны үшін күдікті ұсталды, деп хабарлайды  Рavlodarnews.kz.  

Облыстық полиция департаменті баспасөз қызметінің мәліметінше, есірткі қылмысына қарсы іс-қимыл бөлімшелерінің қызметкерлері есірткі құралдарының заңсыз айналымына қатысы бар 19 жастағы күдіктіні ұстады. 

– Жас жігіттің киімінен 12 грамм кептірілген марихуана салынған  байлам табылған. Ол жалға алған пәтерде сақталған 68 грамм тыйым салынған зат табылды. Сонымен қатар, полиция қызметкерлері құқыққа қайшы қызмет туралы жедел маңызды ақпараты бар ұялы телефонды тәркіледі, – деді Павлодар облысы полиция департаменті бастығының орынбасары Болат Нұрсейітов. 

Оның айтуынша, күдікті 2023 жылдың қаңтарында есірткі сатудың байланыссыз схемасын әзірлеген және ол үшін мессенджерлердің бірінде интернет-дүкен құрған.  Құпия жерлер – бетбелгілер арқылы тыйым салынған заттарды таратқан. Төлемді алғаннан кейін сатып алушыға бетбелгілердің мекенжайы мен орнын хабарлаған, орналасқан жерді ұялы телефонға суретке түсіріп отырған. 

Тергеу әрекеттері барысында күдікті ақша табудың осы әдісінің заңсыздығы туралы білетіндігін растады, бірақ қылмыстық рөлдерді бөліп, курьер «кепілгер» міндеттерін басқа адамдарға жүктемек болған. Ол үшін ол жақын ортадан кандидаттарды іріктеуді бастаған. 

Аталған фактіге қатысты Қазақстан Республикасы ҚК 297-бабының 3-бөлігі бойынша сотқа дейінгі тергеп-тексеру басталды, сот күдіктіні қамауға алу түріндегі бұлтартпау шарасын таңдады.