Ол бір жарым жылға сотталды, деп хабарлайды @Pavlodarnews.kz тілшісі.

Өткен жылдың желтоқсан айында полицияға 27 жастағы қыздан Павлодар қаласындағы «Inju» мейрамханасына бомба қойылғаны туралы хабар түскен. Келген саперлар тексеру жүргізгенде бомбаны таппаған.

Полицейлер сол күні жедел-іздестіру шараларын жүргізіп, лаңкестік актісі туралы жалған хабарлау фактісі бойынша қылмыстық іс қозғады.

Жауап алу нәтижесінде сұлулық салондардың бірінде жұмыс істейтін павлодарлық тұрғын белгілі болды. Әйел қараша айында жаңа жылдық корпоративтік кешке алдын ала төлем үшін ақша жинай бастағанды. Алайда ақшаны белгіленген мерзімге дейін жинап үлгеремін деп, өз қалауы бойынша жұмсаған. Бірақ корпоративтік кеш күні мейрамханаға хабарласқанда, бос орындар жоқ, сондай-ақ, ақшаны жинап үлгермегені белгілі болды. Сол себептен әйел бомба туралы хабарлау жоспарын ойлап тапқан.

Әріптестері мейрамханаға жиналған кезде полиция қонақтарды эвакуациялаған. Тергеушілер анықтағандай, бұзушы ескі сим-картаны пайдаланып, 102-ге хабарласқан соң лақтырып жіберген.

Жуырда сот отырысы өтіп, бұзушы бір жарым жылға бас бостандығынан айырылды. Сот отырысында қылмыс жасаған кезде сегіз айлық жүкті болған үш баланың анасы өз кінәсін толық мойындады.

Полиция департаменті жалған ақпарат хабарлау үшін – ҚР Қылмыстық кодексінің 273 бабына сәйкес, 19 660 000 теңгеге дейін айыппұл салу немесе бес жылға дейін бас бостандығынан айыру жазасы қарастырылғанын еске салады.