Студенттер зертханалық жабдықтарды қалай басқару керектігін және ең күрделі химиялық талдауларды қалай жүргізу керектігін көрсетті, деп хабарлайды @Pavlodarnews.kz тілшісі.

«Павлодар химия-механикалық колледжі» КМҚК-нде «Зертханалық химиялық талдау» құзыреттілігі бойынша WorldSkills Pavlodar 2025 өңірлік чемпионатының ақтық кезеңі өтті. Екі күнге созылған додада студенттер өз білімдері мен шеберліктерін көрсетті.

Чемпионаттың үш модулі аясында ұйымдастырушы колледждің және Жоғары түсті металлургия колледжінің қатысушылары келесі бағыттар бойынша практикалық тапсырмаларды орындады:

• судың жалпы қаттылығын анықтау үшін кешендіметриялық титрлеу;
• фосфор қышқылының концентрациясын кондуктометриялық әдіспен анықтау;
• малахит жасылының концентрациясын градуировкалық график бойынша спектрофотометриялық өлшеу.

– Әрбір модуль жоғары дәлдікті, логикалық ойлауды және зертханалық құрал-жабдықтарды сенімді пайдалануды талап етті. Қатысушылар өздерінің үздік нәтижелеріне қол жеткізу үшін барын салды. Жарыс соңында барлық қатысушыларға естелік сыйлықтар табысталды, – деді облыстық білім беру басқармасының баспасөз қызметі.

Қазіргі уақытта ұйымдастырушылар ресми нәтижелерді тағатсыздана күтуде – қорытындылар WorldSkills Pavlodar 2025 өңірлік чемпионаты толығымен аяқталғаннан кейін белгілі болады.

Посмотреть эту публикацию в Instagram

Публикация от Білім басқармасы (@bilim_basqarmasy)