Бұл жылыту маусымында жылумен жабдықтаудың сапасы мен сенімділігін жақсартады, деп хабарлайды @Pavlodarnews.kz тілшісі.

Қысқы кезеңге дайындық жұмыстары жалғасуда.

«ПАВЛОДАРЭНЕРГО» АҚ баспасөз қызметінің мәліметінше, бүгінгі таңда №22 жалпы орта білім беру мектебінің аумағында №5 жылу магистралін ауыстыруға байланысты күрделі жөндеу жүргізілуде. Бұл жерде диаметрі 530 миллиметр, жалпы ұзындығы 230 метр құбыр ауыстырылуда.

Сонымен қатар, №122 балабақша аумағында №4 жылу магистралін жоспарлы ауыстыру жұмыстары жүргізілуде. Құбырдың диаметрі 530 миллиметр, желінің жалпы ұзындығы 233 метр.

Компания павлодарлық үйлерге ыстық су берудің болжамды кестелері кәсіпорынның Instagram-дағы ресми парақшасында жарияланғанын еске салды.