Әкімшілік полиция қызметкерлері облыс орталығындағы жолдарды қардан тазарту жағдайын тексеріп, рейд жүргізді, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, рейд барысында Н.Назарбаев даңғылы, Ломов, Катаев, Амангелді, Қамзин, Ворушин, Циолковский көшелерінде және Кіші айналма жолда қар тазалау бойынша кемшіліктер анықталған.

– Тексеру қорытындысы бойынша полиция анықталған кемшіліктерді жою үшін Павлодар қаласының тұрғын үй-коммуналдық шаруашылығы мекемесіне ұйғарым жіберді, – деп хабарлады департамент өкілдері.

Тәртіп сақшылары, егер заңда белгіленген мерзімде кемшіліктер жойылмаса, кінәлі тұлғалар әкімшілік жауапкершілікке тартылатынын ескертті.

Олардың айтуынша, мұндай шаралар жол-көлік оқиғаларының алдын алу және өңір жолдарындағы жарақаттану мен өлім-жітім деңгейін төмендету мақсатында өткізіледі.