Ол келешекте қала инфрақұрылымын дамытуға септігін тигізеді, деп хабарлайды @Pavlodarnews.kz.

«Павлодар электржелілік тарату компаниясы» АҚ-ның жабдықтарын жаңарту шеңберінде тоғыз ай ішінде 1,4 миллиард теңге жүзеге асырылды.  «Солтүстік қалалық» 110/10 киловатт шағын станциясының құрылысы мен өндірістік шағын станциясындағы екі ұяшықтың монтажы компанияның басты инвестициялық нысандары болып саналады. 

Жаңа шағын станция Павлодардың солтүстік-шығыс бөлігі тұтынушыларын сапалы электрмен жабдықтауды қамтамасыз етуге, электрмен жабдықтауға, жаңа нысандарды қосуға мүмкіндік береді. Станциядан Сәтбаев, Естай, Торайғыров, Бектұров, Олжабай батыр, Бұқар жырау көшелерінен бастап, Екінші Павлодарға дейін тұтынушылар қуат алады. Жалпы станцияға 27 133 тұтынушы қосылған, оның ішінде 1700-ге жуығы – заңды тұлғалар. 

– Жаңа шағын станцияда 40 мегавольт-ампер екі күштік трансформатор орнатылды. Егер бұрынғы станцияда қуат беретін ұяшық саны 30 болса, қазір олар 60-қа дейін жетті. Яғни екі есе көп тұтынушыларды қосуға болады. Қала дамып, өскен сайын ірі кәсіпорындардың осы станцияға қосылуға мүмкіндігі бар. Ал жарық жеткізіліп отырған тұтынушыларға қосымша қуат көзі беріледі. Олар техникалық шарттарға жүгініп, жүктемесін арттыра алады, – деді компанияның жөндеу басқармасының бастығы Иван Миронец. 

Ескі қосалқы станцияның жүктемесі 70-80%-ды құрады. Оның жабдығы тозған сайын жөндеуге шығаруға қажет болған бөлшектерін табу қиынға соққан. Сондықтан жаңа станцияны тұрғызу қажеттілігі пайда болды. Нысанның құрылысы 2019 басталып, биыл аяқталды. 

– Коронавирус басталған соң мерзімдер кейінге шегерілді. Бүгінде барлық тұтынушылар қайта қосылып, жарықты аталмыш станциядан алып отыр. жабдық жаңа. Біз басқа қалалардың пайдалану тәжірибесі бойынша ең заманауи жабдықтарды таңдадық. Жобалау кезінде бәрі ескерілді, – деді Иван Миронец.

Станция диспетчерлік пункт арқылы қашықтықтан басқару құралы арқылы қосылып, өшіріледі. Барлық қалалық қосалқы станцияларға жедел шығу бригадасы қызмет көрсетеді және оларда тұрақты кезекші жедел персоналы жоқ. Электр желілері шығыс кәсіпорнының диспетчерлік қызметі басқаруды Павлодар облысының барлық оң жағалауы, алты аудан және облыс орталығында жүзеге асырады. 

Айта кетейік, ескі станцияның жұмысы тоқтатылады. Болашақта ол жерде персоналды орналастыру үшін өндірістік корпус салу қарастырылуда. Бірақ бұл тек жоспарда ғана бар.