Форумда сүт өндірісін дамыту және мемлекеттік қолдаудың тиімді жолдары талқыланды, деп хабарлайды @Pavlodarnews.kz тілшісі. 

Павлодар облысында ұйымдастырылған форумға сүт және сүт өнімдерін өндірушілер, жабдық пен қосалқы бөлшек жеткізушілер, салалық қауымдастықтар мен Ауыл шаруашылығы министрлігінің өкілдері жиналды. Бас қосудағы басты мақсат – Қазақстандағы сүт өндірісін ұлғайту жөніндегі ауқымды жоспарларды тоқтаусыз жүзеге асыру үшін тәуекелдерді азайту, яғни фермерлерді техникалық, қаржылық және инфрақұрылымдық тұрғыдан толық қолдау.

Өндіріс тоқтап қалмауы үшін шаруалар ең әуелі резервтік қосалқы бөлшектердің жетіспеуі өндірісті кідіртіп тастауы мүмкін екенін айтты. Қоймада бір кішкентай деталь болмағанның өзінде сауын желісі тұрып қалуы мүмкін, ал бұл – сиырлар үшін күйзеліс, демек сүттің күрт азаюы. Сондықтан форум қатысушылары жабдық жеткізушілермен тұрақты әріптестік орнатудың маңызына ерекше тоқталды.

— Бұл – биологиялық активтерге негізделген өте сезімтал сала. Сиыр уақытылы сауылмаса, өнімділік төмендеп кетеді. Сол себепті техника мен қосалқы бөлшекке тәуелділікті барынша азайтуымыз керек, – деді ауыл шаруашылық вице-приездентті Азат Сұлтанов.

Ауыл шаруашылығы министрлігі ашық диалог аясында фермерлердің ұсынысын тыңдап, мемлекеттік қолдау тетіктерін жаңартуға ниетті. Тізе буынды қолдау құралдарының бірі – тәжірибені тарату бағдарламасы арқылы жылдық 2,5 % мөлшерлемемен берілетін жеңілдетілген несие. Сүт саласы – басым бағыттардың бірі.

Бағдарлама шеңберінде жалпы қуаты 600 мың тонна тауарлық сүт өндіруге қабілетті 109 сүт тауар фермасы қаржыландырылған. Оның 40-ы 2023 жылы іске қосылса, тағы 40-ы 2024 жылы ашылады. Қалған жобалар 2025–2026 жылдары кезең-кезеңімен аяқталмақ.

— Біз импортқа тәуелді бес негізгі өнімнің қатарында сүтті де қысқартамыз. Жаңа фермалар елді толық қамтуға мүмкіндік береді, – деді Азат Сұлтанов.

Форумның дәл Павлодарда өткені кездейсоқ емес. Өңір көкөніс және картоппен қатар, мал шаруашылығын, соның ішінде сүт өндірісін де қарқынды дамытып келеді. Көрмеде павлодарлық сүт компанияларының өкілдері жаңа инвестициялық жобалар арқылы өндірісті еселеп арттыруға дайын екендерін мәлімдеді.

Форумында көтерілген ұсыныстар – сүт өндірісін ұлғайтып, елдің азық-түлік қауіпсіздігін нығайтудағы нақты қадамдар. Қаржылық жеңілдіктер, үздіксіз жабдықпен қамту және фермерлердің белсенділігі нәтижесінде Қазақстан жақын жылдары сүт өнімдері бойынша импортқа тәуелділікті айтарлықтай азайтпақ. Ең бастысы осы бастамалардың барлығы тұрақты әріптестік пен ашық диалог аясында жүзеге асса, отандық өндіріс дамуы тың серпін алмақ.

Фото: Әмина Жеңіс