Танымал қазақстандық өнер қайраткері өзі де университетке ерекше сый жасады, деп хабарлайды @Pavlodarnews.kz тілшісі.

Торайғыров университетінің акт залына Шахимардан Әбіловтің есімі берілді.

– Қазақстан Республикасының Мемлекеттік сыйлығының лауреаты, Қазақстанның еңбек сіңірген әртісі Шахимардан Әбілов өмірін биік өнерге қызмет етуге арнады. Оның дауысы, таланты мен операға деген шексіз адалдығы – қазақ мәдениетінің рухани байлығының нышаны. Шахимардан Әбілов – тек үлкен әртіс емес, сонымен қатар педагог, – деп атап өтті университет өкілдері.

Салтанатты шараға Қазақстанның бұрынғы мәдениет министрі Дүйсен Қасейінов, Қазақ мемлекеттік академиялық филармониясының бас дирижері Айтқали Жайымов, медицина ғылымдарының докторы Серік Тоқпанов және Қазақ ұлттық консерваториясының доценті Игорь Олексенко қатысты.

Шахимардан Әбілов университетке чехиялық «Petrof» роялін сыйға тартты.