Бедеулік диагнозымен өңірдің екі мыңнан астам тұрғыны есепте тұр, деп хабарлайды @Pavlodarnews.kz тілшісі.

Облыстық денсаулық сақтау басқармасының ана мен бала денсаулығын сақтау бөлімінің басшысы Гүлнәр Жармақинаның айтуынша, көптеген ерлі-зайыптылар ата-ана атану үшін уақытты жоғалтады.

– Әр түрлі адамдардың өмірге деген көзқарасы әртүрлі, – дейді маман. – Біреу бірден балалы болғысы келеді. Біреу асықпайды, күтеді және дәрігерлерге 6-13 жылдан кейін жүгінеді, кейде жас шектеуі пайда болады, ал әйелде фолликулярлық резерв аяқталады (ұрықтандыру кезінде қолданылатын жұмыртқалардың саны).

Мұндай ерлі-зайыптыларға көмектесу қиынырақ. Оларға бірден ЭКҰ тағайындалмайды. Алдымен тексеруден өтеді: әйелдер-гинеколог-репродуктологтан, ерлер-уролог-андрологтан. Дәрігерлер қажет болған жағдайда арнайы ем тағайындайды.

Ұлттық статистика бюросының мәліметінше, қазақстандықтар орта есеппен 29,7 жаста ана болуды шешеді. Павлодар облысында ең жас босанатын әйелдердің бірі – орта есеппен 30,4 жаста. Сонымен қатар, дәрігерлер жүктілікті 23 жастан 35 жасқа дейін, әйелдің фолликулярлық резерві жеткілікті болған кезде жоспарлауды ұсынады. Себебі, жұмыртқа өндіруге қабілетті фолликулалар жеткілікті. Бұл жаста түтік бедеулігі, жатырдың қабынуы, сондай-ақ соматикалық аурулар – бауыр, бүйрек, өкпе, варикозды тамырлар сияқты қайталама асқынулар жиі болмайды. Бұл факторлар жүктіліктің ағымын нашарлатады. Дәрігерлерлердің айтуынша, жас әйел баласына эмоционалды қолдау көрсете алады,

Гүлнар Жармақинаның айтуынша, биыл облыстың 7483 тұрғыны ана атанды. Босанған әйелдердің жасы 14-тен 50 жасқа дейін: 39 пайызы – 22-29 жаста, 52 пайызы – 30-49 жаста босанған. Аналар арасында 52 және 55 жастағы әйелдер де болды.

Биыл Павлодар облысы экстракорпоралды ұрықтандыруға 266 квота алды. Балалы болу мүмкіндігі үшін медициналық көмекке мұқтаж 1500-ге жуық әйел мен 400-ден астам ер адам есепте тұр.

Бөлім басшысының айтуынша, еліміздің Денсаулық сақтау министрлігінде келесі жылы өңірлерге квоталардың қажетті санын сұрауға және ЭКҰ орталықтарын өздері таңдауға мүмкіндік беру ұсынылды.

Естеріңізге сала кетейік, Павлодарлық ерлі-зайыптыларға 15 жыл күткеннен кейін сәби дүниеге келді.