«Атамекен» кәсіпкерлер палатасында дөңгелек үстел ұйымдастырылды, деп хабарлайды @Pavlodarnews.kz тілшісі.

Аталмыш іс-шарада жергілікті атқарушы органдардың жер пайдаланушыларға жер телімдерін беру туралы шешімдерінің күшін жою тәжірибесінің тоқтатылуы талқыланды.

Кездесуге облыс әкімінің орынбасары Әйгерім Қабылтаева қатысты. Павлодар облысы прокурорының орынбасары Бауыржан Ертаев Қазақстан Президенті ел халқына Жолдауында бизнес өкілі жерді заңға қайшы жалға алып, оны пайдаланбаса, учаскені мемлекетке қайтару керектігін атап өткенін еске салды. Бірақ жер пайдаланушы адал жұмыс істеп, инвестиция салса, онда осы гектардағы өндірісті бұзуға болмайды.

«Атамекен» палатасында кейбір кәсіпорындардан берілген жердің қайтарылуын неге әлі күтуге тура келетінін анықтады.

Екі жыл ішінде жер ресурстарын басқару департаменті 44 талап арыз берді, оның ішінде жерді өз еркімен пайдаланбағандарды есептемегенде 24-і қанағаттандырылды – шамамен 33 фермер жерсіз қалды.

– Алдымен кәсіпкерлерге жерді өзіңіз бересіз. Содан кейін ЖРБД аграрийге келіп, учаскені заңсыз бергенін және ұйғарымды табыс ететінін айтады. Содан кейін сотқа шағымданасыз. Ал енді инвестор одан зардап шегеді ме? Мен бұл әрекеттердің логикасын түсінбеймін. Егер бұл сіздің 50 миллиард теңгеңіз болса, онда не істейтініңізді көрер едім. Бұл жерде ешкімге салдары болмайды, – деді Павлодар облысы прокурорының орынбасары Бауыржан Ертаев.

Мұрат Хамитов барлық қойылған талаптар департаменттің ұйғарымы немесе прокурорлық қадағалау актілері бойынша жіберілгенін атап өтті.

Бұл Президент Жолдауы жарияланған 2024 жылдың қыркүйегіне дейін жасалды.

Әйгерім Қабылтаева жергілікті атқарушы орган Мемлекет басшысының жер телімдерін тиімді пайдалану жөніндегі тапсырмасы аясында жұмыс жүргізіп жатқанын атап өтті. 

– Тиісті құқықтық базаның болмауы бойынша қиындықтар бар. Ауыл шаруашылығы министрлігінің бұйрығына сәйкес өзгерістер енгізіледі. Мен жер қатынастары басқармасына және қалалар мен аудандар әкімдіктерінің тиісті жер қатынастары бөлімдеріне адалдығы арнайы жер комиссияларында қаралатын жер пайдаланушылардың тізімін жасау жөнінде тапсырма бердім. Инвестиция тарту мәселесі өңір үшін басымдыққа ие, – деді ол.

Оның сөзінше, жер қатынастары басқармасына және қалалар мен аудандар әкімдіктерінің тиісті жер қатынастары бөлімдеріне адалдығы арнайы жер комиссияларында қаралатын жер пайдаланушылардың тізімін жасау жөнінде тапсырма берілді.

Кәсіпкерлер палатасының директоры Ерқанат Әбенов қадағалау органына бизнестің проблемаларын шешуге көмектескені үшін алғысын білдіріп, облыс прокурорының 2023 жылғы 13 қазандағы өкімі бойынша кәсіпкерлер палатасының базасында инвестициялық жобаларды сүйемелдеу жөніндегі фронт-офис құрылғанын еске салды.

Оның алаңында бір жылдан астам уақыт ішінде он отырыс өткізілді.

Мәселені шешу үшін павлодарлық «Атамекен» палатасы Мәжіліс депутаты Нұржан Әшімбетовке хат жолдап, бизнеске салынатын салық жүктемесін азайту үшін Салық кодексіне ауыл шаруашылығында пайдаланылатын жерлерге бір гектар үшін бонитет балынан жер салығының мөлшерлемесін есептеу бөлігінде өзгерістер мен толықтырулар енгізу мүмкіндігін қарастыруды өтінді.

Кейіннен ӨКП ұсынысы жаңа Салық кодексіне енгізілетіні белгілі болды.