Тереңкөлде монша жанды
Оқиға түнде орын алды, деп хабарлайды @Pavlodarnews.kz.
Облыстық ТЖД баспасөз қызметінің мәліметінше, 27 қазанда 21:04-те Тереңкөл ауылында Сейфуллин көшесі бойында тұрған үй аумағында өрт шыққаны туралы хабарлама келіп түсті.
– Белгіленген мекенжайға келген өрт сөндірушілер 2 шаршы метр алаңда моншаның ағаш құрылымдары жанып жатқанын анықтады,– деді департаментте.
№8 өрт сөндіру бөлімінің екі қызметкері мен бір техника жұмылдырылды. Өрт жылыту пешін пайдалану кезінде өрт қауіпсіздігі ережелерін сақтамау себебінен шықты.
