Ольгинко ауылдық округі әкімдігінің басшысы лауазымына үш үміткер болды, деп хабарлайды @Pavlodarnews.kz.

Сайлау 30 қарашада өтті. Успен аудандық аумақтық сайлау комиссиясының мәліметінше, сайлаушылар тізіміне 431 азамат кірді. Дауыс беруге 235 сайлаушы қатысты, оның ішінде дауыс беруге арналған үй-жайлардан тыс 13 адам.

Нәтижесінде өзін-өзі ұсынған Виктор Негриенко мен Арман Таймасовқа 19 және 29 сайлаушы дауыс берді.

Успен ауданының мансап орталығы филиалының 38 жастағы директоры Серік Мақатаев үшін көпшілік дауыс берді – 171 сайлаушы. Оны «AMANAT» партиясы ұсынды.

Ол осы сайлаудың қорытындысы бойынша Ольгинко ауылдық округінің әкімдігін басқарады.