Жағдай түнде орын алған, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше, облыс орталығының көшелерінде әйел бір қолымен бейне түсіріп, электр самокатын жүргізген. Оның артында жолаушысы тұрған. 

– Бұзушы анықталып, әкімшілік жауапкершілікке тартылды. Оған 7 384 теңге көлемінде айыппұл салынды, – деді департаментте.

Шағын электр көлік құралдарының жүргізушілеріне рөлді ұстамай жүруге, жолаушыларды тасымалдауға, жүкті тасымалдауға, жақын жерде велосипед жолы болған кезде жолда жүруге тыйым салынады.