ЖЭО-1-де қысқа дайындық, жаңа міндеттер мен №8 қазандықты іске қосу тақырыптары қозғалды, деп хабарлайды @Pavlodarnews.kz тілшісі.

Қаланың тұрғын үйлерінің 40 процентін жылумен қамтамасыз етіп отырған Павлодар ЖЭО-1 жылыту маусымына қызу дайындық үстінде. Станцияда ауқымды жөндеу жұмыстары жүргізіліп, он жылға жуық тоқтап тұрған №8 бойлерінің жұмысы қалпына келтірілуде.

ЖЭО-ның пайдалану жөніндегі директоры, бас инженер Дулат Сыздықов қазір станцияда №1 және №3 қазандық агрегаттары жөндеуден өтіп жатқанын атап өтті. Бұл – қыста бүкіл жүйенің тұрақтылығы бойынша жоспарлы жұмыс. Энергетиктер ешқандай қауіп-қатерді көріп тұрған жоқ.

Облыстық мәслихат депутаты Қанат Сатабаев қаланың кеңеюі аясында стансаның қуаттылығы мәселесін көтерді.

– Үш жылдан бері №8 қазандықты айтып келеміз. Қазір жаңа Достық шағын ауданы салынып жатыр, «Казправда» ауданында тұрғын үй кешені салынуда. Жаңа нысандардың барлығына жылу энергиясы жете ме, - деп сұрады халық өкілі.

Жауап ретінде инженер №8 қазандықты іске қосу – жақын болашақтың негізгі резерві екенін атап өтті.

- Өткен жылыту маусымында біз №8 қазандықты сынақтан өткіздік. Ол бірден су айналымын бастап, жүйедегі температураны 7-8 градусқа көтерді. Біз оны екі апта бойы ауыр жүктемесіз жүргіздік,  нәтиже тамаша болды. Қажет болса, қазандық тәулігіне қосымша 65 гигакалория жылумен қамтамасыз етуге қауқарлы және бұл – өте қомақты резерв, - деп жауап берді энергетик.

Сондай-ақ,  Дулат Сыздықов жөндеу жұмыстарының бірінші кезеңі аяқталғанын, қазір төрт жаңа сорғы жеткізілгенін хабарлады. Екінші кезең – сорғылар тобын қайта құру қараша айында басталады, ол аяқталуға жақын. Сондай-ақ, бас инженер жылу беру маусымына дайындық актілеріне энергетиктермен бірге алғаш рет қала әкімінің қолтаңбасы енгізілгенін де атап өтті.

– Қазір жылу беру маусымына жауапкершілікті әкімдікпен бөлісіп жатырмыз. Сіз бұл «қанмен жазылған» деп айтуға болады. Станцияның дайындығы Павлодар қаласының әкімімен бірлесіп ресми түрде бекітілді, - деп түсіндірді Дулат Сыздықов.

Өткен маусымда станция сағатына 430-450 гигакалорияға дейін қамтамасыз етті. Бұл деңгей ағымдағы жылыту кезеңі үшін расталды.