Қыздар төбелесі: Павлодарда заңды өкіл жауапқа тартылды
Әлеуметтік желіде қыз баланың екінші қызға жұдырық жұмсап, соққыға жыққаны түсірілген видео тарады, деп хабарлайды @Pavlodarnews.kz тілшісі.
Облыстық полиция департаментінде ұрып-соғу фактісі бойынша қылмыстық іс қозғалғанын хабарлады.
– Бұл жағдайға қатысқан кәмелетке толмаған заңды өкіліне кепілгерлігімен тапсырылды. Сонымен қатар, балаларды тәрбиелеу жөніндегі міндеттерді орындамағаны үшін оның заңды өкілі жауапқа тартылды. Жасөспірім профилактикалық есепке алынды, – деді департаментте.
Павлодар қаласы әкімдігінің жанындағы кәмелетке толмағандардың істері және олардың құқықтарын қорғау жөніндегі комиссияға тиісті ұсыныс енгізілді.
Ювеналды полиция қызметкерлері болашақта мұндай жағдайлардың алдын алуға бағытталған профилактикалық шараларды жалғастыруда.
