Өртенген үйдің ішінде әйел қайтыс болды, деп хабарлайды @Pavlodarnews.kz.

Павлодар ауданы прокуратурасының мәліметінше, 9 мамыр – Жеңіс күнінде бір ауылдық округ әкімі тұрғынға азық-түлік салынған дорба мен 0,5 литрлі арақ берген.  Ер адам ішімдік ішіп, өз үйінің өртеніп кетуіне жол берген еді. Кейіннен тұрғынның жұбайы үйдің ішінде болып, өрттен қайтыс болғаны анықталды. 

– Әкім жасаған іс-әрекет жалпы қабылданған моральдік нормаларға қайшы келеді. Мемлекеттік қызметшілер қоғамның мемлекеттік институттарға деген сеніміне нұқсан келтіретін әрекеттерден аулақ болуға тиіс, – деді Павлодар ауданы прокуратурасында. 

Прокурорлық акті бойынша ауылдық округ әкімі қатаң сөгіс түрінде тәртіптік жауапкершілікке тартылды.