Құқық қорғау органдарының қызметкерлері оқиға бойынша тергеу бастады, деп хабарлайды @Pavlodarnews.kz тілшісі.

Майқайың ауылында екі мәйіт табылды. Павлодар облыстық полиция департаментінің мәліметінше, оқиғаның барлық мән-жайларын объективті түрде зерттеу үшін тергеу шаралары жүргізілуде.

«Отбасы мүшелерінің бірінің дәрігерге қаралудан ұзақ уақыт бойы келмеуіне және отбасының мемлекеттік қызметкерлерді үйге кіргізуден бас тартуына байланысты, 13 ақпанда арнайы рұқсат алғаннан кейін полиция қызметкерлері екі жеке үй орналасқан аумаққа кіргізілді, онда екі марқұмның мәйіті табылды», - деп хабарлады Баянауыл аудандық әкімдігі.

Үйде тұратын алты жасар бала Майқайың ауруханасының балалар бөлімшесіне жатқызылды. Тексеру нәтижесінде кішкентай науқастың физикалық тұрғыдан сау екені, оның дамуы жасына сәйкес келетіні және дәрігерлер ешқандай ауытқулар таппағаны анықталды.

«Заңды өкілдердің болмауына байланысты бала «Үміт Екібастұз әлеуметтік қызметтерге мұқтаж жандарды қолдау орталығы» мемлекеттік мекемесіне орналастырылады», - деп хабарлады аудан әкімшілігі.

Бала мемлекеттік органдардың бақылауында болады.