Бүгінгі таңда өңірде 1000-нан астам алаяқтық фактісі тіркелген, деп хабарлайды  @Pavlodarnews.kz тілшісі.

Облстық полиция департаменті баспасөз қызметінің мәліметінше, ведомство қызметкерлері жүргізіп жатқан іс-шараларға қарамастан, өңір тұрғындары интернет-алаяқтықтың құрбаны болуда. Алаяқтар әлеуметтік желілерде де күшейе түскен.

– Бүгінгі таңда өңірде 1009 алаяқтық тіркелген, оның 795-і ақпараттық технологиялардың көмегімен жасалған, – деді облыстық полиция департаменті криминалдық полиция бастығының міндетін атқарушы Жасұлан Танжанов. 

Алаяқтықтың ең көп таралған түрлеріне Olx.kz, Krisha.kz, Kolesa.kz, сондай-ақ Қытайдан төмен бағамен заттарды сату сылтауымен What's Aрp әлеуметтік желісіндегі аккаунттарда жалған заттарды жарнамалап, сату жатады. 

– Мысалы, іздестіру іс-шараларының нәтижесінде жедел уәкілдер Krisha.kz сайтында қымбат емес жалдау ақысына жақсы тұрғын үй жағдайларын ұсына отырып, бүкіл Қазақстан бойынша ойдан шығарылған пәтерлерді жалға беру бойынша жалған хабарландырулар таратып жүрген көрші облыстың тумасын анықтап, ұстады. Қазіргі уақытта жәбірленушілерді анықтау бойынша қажетті іс-шаралар жүргізілуде, – деді Жасұлан Танжанов.

Сондай-ақ, Екібастұзда елорда тұрғыны алаяқтық жасағаны үшін ұсталды. Ол What's App желісінде топ ашып, жұмыс істемейтін банктік салымдар мен акцияларға инвестициялар түріндегі ақшалай шоттарды жылжыту бойынша қызметтерді ұсынған. Топта 200 адам болған.  

Тәртіп сақшылары азаматтардан банк қызметкерлері, құқық қорғау органдары ұсынатын белгісіз тұлғалардан қоңырау түскен жағдайда қырағы болуды, банк және құқық қорғау органдарының тексерілген және сенімді телефондарына қоңырау шалуды сұрайды.

Егер алаяқтықтың құрбаны болған жағдайда тұрғылықты жеріңізге немесе 102 нөміріне хабарласуға кеңес береді.