Оқу орындарында қысқа тұйықталу орын алды, деп хабарлайды @Pavlodarnews.kz тілшісі.

Облыстық төтенше жағдайлар департаментінің баспасөз қызметінің мәліметінше, 2 қыркүйекте өрт сөндірушілер екі рет жолға шықты.

– Атамекен кентіндегі №33 орта мектептің асханасында электр есептегіштің өртенгені туралы хабар сағат 13:50-де келіп түсті. Өрт тексеру барысында жанусыз электр есептегішінің қысқа тұйықталуы анықталды. Өрт сөндірушілер келгенге дейін ғимараттан 461 адам, оның ішінде 421 оқушы эвакуацияланды, – делінген хабарламада.

Сағат 14:34-те өрт сөндірушілер тағы да шақырылды.

– Баянауыл ауданының №3 орта мектебінде жарықдиодты шамдағы электр сымдарының қысқа тұйықталуы анықталды. Пластикалық корпус қалпына келтірілді. 101 адам, оның ішінде 91 оқушы өз бетінше эвакуацияланды, – деп хабарлады департамент.

Ведомство атап өткендей, екі жағдайда да ешкім зардап шеккен жоқ. ТЖД қызметкерлері ғимараттарды бақылап, желдету жұмыстарын жүргізді.