Павлодар облысында тағы бір бала терезеден құлады
Оқиға Ақсу қаласындағы көпқабатты үйлердің бірінде болған, деп хабарлайды @Pavlodarnews.kz тілшісі.
Бұл туралы облыстық денсаулық сақтау басқармасының баспасөз қызметі мәлімдеді.
— 2023 жылы туған ұл бала үшінші қабаттың терезесінен құлап кеткен. Бала Ақсу қалалық ауруханасының жансақтау бөліміне жатқызылған. Оның жағдайы аса ауыр деп бағалануда, - делінген хабарламада.
Қазіргі уақытта науқас Павлодар облыстық балалар ауруханасына тасымалдануда. Қосымша ақпарат диагностикалық тексерулер жүргізілгеннен кейін ұсынылады.
