Айыпталушы бұған дейін де осыған ұқсас қылмыс үшін жаза өтеген болатын, деп хабарлайды @Pavlodarnews.kz.

Павлодар облысы қылмыстық істер жөніндегі мамандандырылған ауданаралық соты адам өлтiру, яғни басқа адамды құқыққа қарсы қасақана қазаға ұшырату фактісі бойынша қылмыстық істі қарады. 

2025 жылдың маусым айында әйел Екібастұзда М. Жүсіп көшесіндегі пәтерінде алкогольдік масаң күйде болып, ауызша жанжалдасып, үстелде жатқан асхана пышағын алып, бұрын танысының кеуде тұсынан қасақана пышақ сұғып алған.

Кейін ер адам ауруханада қайтыс болды.

Сотта прокурор мен мерт болған ер адамның әпкесі әйелге ҚК-нің 99-бабы 1-бөлігінің шегінде бас бостандығынан айыру жазасын тағайындауды сұрады. Сотталушы мен оның қорғаушысы айыпталушының әрекетін абайсызда жәбірленушінің өліміне әкеп соққан денсаулыққа қасақана ауыр зиян келтіру деп, ҚК-нің 106-б. 3-б. қайта саралауды сұрады.

Әйелдің жәбірленушінің өліміне қасақана кінәлі екендігі куәлардың айғақтарымен, сот сараптамасының қорытындыларымен және сотта зерттелген басқа да дәлелдемелермен дәлелденді.

Сотталушыда қылмыстардың қауіпті қайталануының болуын және ауырлататын мән-жайды – қылмысты масаң күйінде жасауын ескере отырып, сот әйелге 12 жылға бас бостандығынан айыру жазасын қылмыстық-атқару жүйесінің қауіпсіздігі барынша жоғары мекемелерінде өтеумен тағайындады.

Үкім заңды күшіне енген жоқ.