Абаттандыру үш бағыт бойынша өтеді, деп хабарлайды @Pavlodarnews.kz тілшісі.

Павлодарда жаяу жүргіншілер мен автокөлік иелері үшін жақсы орта құруға ниетті. Бұл туралы облыс әкімінің қала бойынша жұмыс сапары барысында белгілі болды. Асайын Байханов аймақтық орталықта тек төрт жабын түрі болуы керек екенін атап өтті: балалар демалу орындарында көгалдар, тас төсеуіштер, асфальт және тартан.

– Бірінші бағыт – 14 магистральдық көшені жөндеу. Барлық жұмыстар басталып, жаз маусымының соңына дейін толық аяқталады, – деді өңір басшысы. – Екінші бағыт – кварталішілік аумақтарды асфальттау және абаттандыру. Биылғы жылы ең аз дегенде 80 аула жоспарлануда. Үшінші бағыт –жаяужолдарды орнату. Өкінішке орай, қалада жаяужолдар жетіспейтін немесе жағдайы өте нашар жерлер өте көп.

Асайын Байхановтың айтуынша, екі жыл ішінде облыс орталығында 40 шақырымға жуық жаяужол жөнделді, биыл тағы 22 шақырым абаттандырылады.

– Біз жаяу жүргіншілерге қолайлы жағдай жасағымыз келеді және ол сапалы жаяужолдардан басталады. Осыған байланысты бізде шынымен де мәселелер бар, сондықтан оларды шешу үшін қалалық қызметтермен бірлесіп, облыс орталығында жүз шақырымға жуық жаяужолдарды жабдықтау жоспары жасалды, – деді Асайын Байханов.

Сонымен қатар, облыс әкімі нөсер канализациясының мәселесін қозғады.

– Өкінішке орай, өңірдің бірде-бір қаласында су бұру жүйесі жоқ: нөсер де, дренаж жүйесі де жоқ, – деді Асайын Байханов. – 2021 жылы біз Павлодарда дренаж-нөсер жүйесін салу бойынша техникалық-экономикалық негіздеме дайындауды бастадық. Биыл жоба мемлекеттік сараптамаға өтеді. Біз шілде-тамыз айларында жауап алып, дренажды-нөсерлі кәріз төсеу үшін қаражат жоспарлауды бастаймыз.

Өңір басшысы басты назар жағалаудағы көшелерге, сондай-ақ үнемі су басатын учаскелерге бағытталатынын еске салды. Құрылыс бір жылдан астам уақытты алады және үлкен шығындарды талап етеді. Дренажды және нөсерлі канализацияны қалалық канализациямен біріктіру мүмкін емес, өйткені экологиялық стандарттар бойынша оның өзіндік тазарту және сүзу жүйесі болуы керек. Көшедегі суда тұздар мен майлардың қоспалары көп және оны орталық қалалық канализацияға төгуге жарамсыз деп саналады.