«Өнер додасы» шығармашылық байқауының финалы ерекше сән-салтанатпен өтті, деп хабарлайды @Pavlodarnews.kz тілшісі.

Павлодар облыстық мәдениет, тілдерді дамыту және мұрағат басқармасының басшысы Медет Тауасқан барлық қатысушыларды, қандай орын алғанына қарамастан, жеңістерімен құттықтады. Оның айтуынша, «Шаңырақ» орталығы өнерсүйер қауымға тағы бір қуаныш сыйлады.

- Әрине, бүгін озғандар да болады, қалып қойғандар да болады. Бірақ сіздер барлықтарыңыз жеңімпазсыздар. Мен байқаудың мақсатына жеттік деп ойлаймын – қазақ халық өнері ұлықталды, - дейді Медет Тауасқан.

«Шаңырақ» халық шығармашылығы және мәдени-демалыс орталығының директоры Замира Солтанованың айтуынша, байқау барысында көрермендер мен қазылар алқасы шынайы таланттардың өнеріне таң-тамаша болып, ежелгі аспаптардың дыбыстарын естіді.

Суперфиналға Екібастұз бен Павлодар ауданы өнерпаздары шықты. Екібастұздық Сұңғат Көпежанов сахнаға бірінші болып шығып, «Балқадиша» әнін орындады. Павлодар ауданынан келген Айнұр Мұрат өзінің жауабымен жұрттың ерекше ілтипатына бөленді. Көрермендер өз командасына қуана қол шапалақтады: атмосфера «Боруссия» мен «Шальке» арасындағы матч кезіндегі «Вестфаленстадионды» еске түсірді.

- Әртістер ұмытылмас әсер қалдырды, - деді көрермендердің бірі, Қазақстанның Құрметті журналисі Ақмарал Сағынбекова. - «Шаңырақ» орталығына ең шалғай ауылдардан келген талантты өнерпаздарды жинағаны үшін алғыс айтамын. Өнер фестивалі өте сәтті өтті деп ойлаймын.

Гран-при иегерлері Екібастұздан екі миллион теңгеге сертификат алды, ал бірінші орын Павлодар ауданының өкілдеріне беріліп, олар бір жарым миллион теңге алды. Тереңкөл ауданының әртістері екінші орынға ие болып, бір миллион теңге жүлде алды. Успен ауданының командасы 700 000 теңгемен үшінші орын алды.

Сонымен қатар, жеті аталым бойынша жеңімпаздар – дәстүрлі ән айту, күй, айтыс, терме, ұлттық аспаптар ансамблі, сирек кездесетін ежелгі ұлттық аспаптар және қазақ ұлттық биі – әрқайсысына 100 000 теңгеден берілді.