Павлодарда екі шағын ауданда кәріз жүйесіндегі апаттық жағдайлар азаяды
Хасар Хабылбеков Зеленстрой және Горторг шағын аудандарында кәріз құбырын тарту жұмыстарының барысын тексерді, деп хабарлайды @Pavlodarnews.kz.
Қазіргі уақытта «Павлодар Водоканал» ЖШС Қамзин және Қазправда көшелерінің қиылысында жұмыстар жүргізіп жатыр.
– Бұл жұмыстардың нәтижесінде кәріз жүйелеріндегі апаттық жағдайлар азайып, орталық кәрізге жаңа абоненттерді қосу мүмкіндігі артады,– деп жазды қала әкімі өзінің Instagram парақшасында.
Хасар Хабылбеков жұмыстар жүргізілген учаскелерді қысқа уақыттың ішінде қалпына келтіріп, абаттандырып, қолайлы ауа райын күтпестен асфальт төсеуді тапсырды. Осылайша, Қазправда көшесінен өтетін №27 қоғамдық көліктің қозғалысы қалпына келтіріліп, қала тұрғындары үшін қолайлы жағдай жасалады. Жұмыстарды аяқтау мерзімі — 14 күн.
Посмотреть эту публикацию в Instagram
