Концерт рухани құндылыққа толы музейдің жайлы да салтанатты залында болады, деп хабарлайды @Pavlodarnews.kz.

15 желтоқсанда сағат 16:00-де Н.Нұрмұхаммедов атындағы облыстық көркемсурет музейі мен дарынды балаларға арналған музыкалық мектеп-интернат кешені бірлескен «Музыкалық галерея» атты концерттік іс-шарасын өткізеді. 

Тәуелсіздік күніне орай бірлескен «Музыкалық галерея» атты мерекелік концертте колледж студенттері қазақ композиторларының асыл мұрасы мен халық әндерін орындап, өнер көрсетеді. 

– Барша өнер мен ұлттық мұраға қызығушы қауымды осы мерекелік концертке қатысып, жас орындаушылардың өнерін тамашалауға және Тәуелсіздік рухын бірге сезінуге шақырамыз, – деді облыстық көркемсурет музейінде.

Абай мұрасына арналған экспозицияның терең атмосферасы орындалған әуендердің әсерін күшейте түспек.