Қазақстандық мектептерде бірінші тоқсан аяқталуда, деп хабарлайды @Pavlodarnews.kz.

ҚР Оқу-ағарту министрлігі баспасөз қызметінің мәліметінше, күзгі каникул кезеңі 28 қазанда басталып, 3 қарашаға дейін жеті күнге созылады.

Мектеп оқушыларының күзгі демалыстағы бос уақытын тиімді өткізу және жеке тұлғалық қасиеттерін дамыту мақсатында «Біртұтас тәрбие» бағдарламасы аясында іс-шаралар жоспары  ұсынылады.

 Жоспар патриотизм, әділеттілік және жауапкершілік сияқты құндылықтарды дамытуға бағытталған іс-шараларды қамтиды:

• «Балалар кітапханасы» жобасын іске асыру шеңберінде   «Демалыста кітап оқимыз» мектепішілік іс-шарасы;
• «Буллингтен қорған!» қауіпсіздік сабағы;
• Мектеп оқушылары үшін «Күзгі асар» жәрмеңкесі;
• «Мектеп театрының»  жұмысын ұйымдастыру ұсынылады.

Бұл іс-шаралар білім беру ұйымдарына әдістемелік ұсыным ретінде жолданады.