Қалалық дене шынықтыру және спорт бөлімі 22-24 ақпанда болатын іс-шаралар тізімін жариялады, деп хабарлайды @Pavlodarnews.kz.

№39 мектепте 22 ақпанда сағат 10:00-де мектептер арасындағы дәстүрлі әскери спорттық эстафета, әскери жетекші Ерлан Әлібековты еске алу эстафетасы өтеді.

Ал Мойылды ауылының «Тұлпар» дене шынықтыру - сауықтыру кешенінде волейболдың туған күніне арналған 8 және 9-сынып оқушылары арасында турнир басталады.

Павлодарда сағат 12:00-де Оқушылар сарайының бассейнінде жүзу бойынша қалалық мектеп мұғалімдері арасында 54-ші кешенді спартакиданың жарысы өтеді.

22-23 ақпан күндері Қамзин көшесі, 171 мекенжайында араши ММА бойынша «BEYBARS OPEN-2025» қалалық ашық турнирі басталады.

23 ақпанда сағат 10:30-да дене шынықтыру және спорттың өңірлік оқу-практикалық орталығының тирінде оқ атудан өнерпаздар мен ардагерлер арасындағы турнир болады.

Ал 24 ақпанда 10:00-12:15-ке дейін, 25-26 ақпан күндері 12:45-15:00-ге дейін хоккейден 2014, 2015, 2016 жылы туған жасөспірімдер арасындағы Павлодар қаласының кубогы өтеді.